Content Stats & Analytics for @foodie.harry.bites

Harry Foodie Bites
@foodie.harry.bites

6,726 followers

🍀曜 - 銅鑼灣🍀 銅鑼灣登龍街一向係當區著名既食街，入面既永光中心更加係日本餐廳既集中地。小弟其實都有留意好幾間餐廳，但最尾揀左「曜」依間有午市套餐，可以「小試牛刀」，如果滿意既話就搵日訂埋晚市既Omakase 一入去見到日本武士像，感覺傳統中帶啲型格既style，今次點左兩份lunch set 🎋前菜 - 花膠涷 花膠先燴煮，再切段放入以花膠炆煮過既高湯，雪凍成啫喱狀再切粒上碟。作為前菜冰冰涼涼又有清淡既鮮味，可以先喚醒一下味蕾😋 🎋A4和牛丼 用左兵庫縣 A4和牛，牛肉先單邊略煎，再以剩底既牛油炒飯，直頭係中菜入面金鑲銀既做法，蛋液包住粒粒日本米飯，金黃色澤，米粒煙靭有濃濃既蛋香，好功架👍🏻和牛不愧A4，高質、入口油脂分佈適中，唔會好膩，食落柔軟而且帶和牛肉質既甜味，牛丼汁有濃厚既醬油及洋蔥甜味，但唔會喧賓奪主😌 🎋蟹黃磯煮鮑魚伴日本花山烏冬 鮑魚以醬油磯煮，肉質保持鮮嫩彈牙，再將長腳蟹拆肉再加膏蟹蟹黃慢煮至濃稠，淋上寬身既日本花山烏冬上面，原理好似西餐意粉咁掛汁，每啖都係軟滑豐腴既蟹黃蟹油同一絲絲既蟹肉包住Q彈既麵條，飽足又滿足😋 🎋汁物 - 鯛魚湯 以為會係一般味噌湯，誰知係奶白色既魚湯，一飲就知無加奶、豆漿等，好肯定用左好多新鮮魚先可以熬出濃度咁高既魚湯汁，只係用極少量既鹽調味，每一啖既鮮甜程度都係令我喜出望外😍 🎋茶碗蒸 大廚將上一道拌烏冬煮剩既蟹黃放係茶碗蒸既表面，盡顯心思。蒸蛋加左高湯蒸煮，再配埋蟹黃，碗底以金栗取代傳統既白果，令平凡既日式蒸蛋變左特別，滑順而且鮮味突出😁 店員彬彬有禮又細心咁介紹每道菜式用料同製作程序，加上食物出品質素極高，我已經暗地裡確定左下次Omakase既落腳點 其後店員閒談間，知道晚市除左兩set「廚師發板」外，特別在有「客人發板」，都係每位$1000起跳，只要預早講定要咩材料，師傅會「迎合所好」，設計特色menu，聽落我好有興趣。享用完lunch set每道菜就知道烹調風格唔局限傳統日式造法，相信晚市驚喜更大 而且佢提我星期一至三晚上黎，會見到老闆請飲Sake，非常熱鬧；酒杯都係日本逐pair買番黎。靚杯配美酒同佳餚，一定要擇日同老婆🐽上黎👍🏻👍🏻 @youkappouhk #矅 #日本料理 #香港日本餐廳 #廚師發 #廚師發板 # #香港廚師發辦 #香港和牛 #牛肉丼 #烏冬 #香港餐廳推介 #銅鑼灣美食 #銅鑼灣餐廳 #食評 #食評分享 #美食 #美食推薦 #香港好去處 #香港餐廳 #香港好去處 #香港美食 #香港打卡 #foodhk #foodiehk #foodiehkig #foodielife #hkg #hkrestaurant #hkfood #omakasehk #causewaybay