Content Stats & Analytics for @gulay.tahirli

GÜLAY TAHİRLİ
@gulay.tahirli

6,519 followers

Özayın mənə “ana” deməsini öyrətməyə çalışmışam, “mama” sözünü, demək olar ki, eşitməyib, mən özüm də anama ana deyirəm. Amma Özay mənə “mama” deyir. Heç eşitmədiyi və öyrədilməmiş bir sözü bu uşaq necə öyrənib? Və nə bilir ki, mən mamayam, çünki o sözü təkcə mənə deyir, acanda, yuxusu gələndə durmadan “mama” deyə təkrarlayır. Bir az araşdırma apardım, Roman Jacobsonun fikri mənə daha maraqlı və inandırıcı gəldi. Jacobsona görə, “m” səsi uşağın əmmə əsnasında ağız hərəkətləri ilə səsləşir, ona görə körpələrin ilk sözü çox vaxt “mama” olur. Bəs niyə ancaq mənə “mama” deyir? Düşünürəm ki, “m” səsi uşağa yemək zamanından tanışdır, yeməyi də ancaq ana yedirdiyi üçün “mama”nı ancaq anaya deyir. İndiyəcən heç sevmədiyim və işlətmədiyim ( anama “ana” deyirəm) “mama” kəlməsini Özay sevdirdi mənə! 🩵 Bəs digər dünya dillərində durumlar necədir? Bu mövzuda ilk araşdırmanı Murdock aparıb, 531 dildə “ana” anlamını verən kəlmələri incələyib, onlardan 273 dildə “ma”, “mə”, “na” hecalarının ana üçün işləndiyini ortaya çıxarıb. Mövzu ilə bağlı Gervain də araşdırma aparıb. Uşaqlara içində təkrar hecalar olan və olmayan kəlmələri dinlədib. Dinləmə zamanı körpələrin beyin hərəkətləri izlənilib, təkrar hecalı kəlmələrə (məsələn, mababa) körpələr daha çox maraq göstərib, təkrar heca olmayanlar (məsələn, mapane) o qədər də maraq oyandırmayıb, beyin hərəkətliliyi passiv olub. Ona görə körpələrin ilk sözləri təkrar hecalı sözlər - mama, baba, nənə, dədə olur. Özayın ilk sözü “mama, ikincisi “baba” oldu. 🙏 #mama #annelik #book #books #bookstagram #bookish #bookaddict #booklover #kitap #kitaplar #şiirgecede #şiiryürekte #güzelsözler #baby #babies #babyphotography #ek #kitablarım #kitapalıntıları #kitapaşkı