Content Stats & Analytics for @hammoudmayssa

Mayssa hammoud
@hammoudmayssa

20,100 followers

معكرونة بشاميل و يا ويلي منا معكرونة🫠🫠🫠🥇🍃🍝🍅🧅🧄 هاي أول أكلة طبختا كان عمري ١٣ سنة و أكتر أكلة ما بزهق منا لو كل يوم باكلا 😋 جربوها على طريقتي و لتزموا بالمقادير مستحيل ما تزبط معكن 1️⃣ أول خطوة بتسلقوا لباستا ٥٠٠ غ (مش كتير تسلقوها عملوا حساب بدكن دخلوها على لفرن ) 2️⃣ ثاني خطوة بدكن تحضروا صوص الأحمر : وقيتين لحم مفرومة بصلة مفرومة ناعمة حص ثوم زعتر فرنسي مجفف رشة أكليل الجبل مفروم ناعم رشة حبق رشة :فلفل أسود ،بابريكا،حر حسب الرغبة و ملح ، ثوم مجفف إذا متوفر عندكن بتقلوهن مع بعض بعدين بضيفوا صوص البندورة أو عصير البندورة أو بندورة مقشرة و مفرومة ناعم مع ملعقة صلصلة 3️⃣ ثالث خطوة تحضير الصوص البشاميل حفظوا هاي الطريقة : (كل كوب حليب سائل ملعقة طحين و ملعقة زبدة ، و فيكن نص زبدة و نصف زيت لازم تكون كمية لطحين نفس كميت الزبدة ) انا حطيت للوصفة : ٤ ملاعق زبدة ٤ ملاعق طحين ٤ أكواب حليب سائل مع رشة: فلفل اسود،جوزة الطيب ،ملح، إكليل الجبل ، زعتر فرنسي مجفف أو زعتر عادي و لباقي بس تطبيق متل ما واضح بالفيديو حطوا الجبنة لموزاريلا و دخلوها على الفرن حامي لتتحمر الجبة انتظروا ١٠ دقايق بعد ما تشيلوها من لفرن بعدين قطعوها كرمال ما تفرط بتكون سخنة قدموها مع سلطة 🥗 انا بحب فيها زيادة صوص بشاميل😋 حضروها و عملولي منشن 🧡 #bachamel#pasta#pastabachamel#sauceblanche#saucerouge#bolognese#bolognesesauce