Content Stats & Analytics for @nmu_kz

Nur-Mubarak University
@nmu_kz

77,176 followers

🇰🇿Бүгін Нұр-Мүбарак университетінің басшылығы оқытушы-профессорлық құрам мен әкімшілік қызметкерлерінің басын қосып, 2023-2024 оқу жылына пысықтады. Қасиетті Құранмен басталған алқалы жиынның алғы сөзін алған ректор, профессор Мұхаммад аш-Шаххат әуелі барша ұжымды оқу жылының басталуымен құттықтап, сәттілік тіледі. ✅«Ұстаздық ету – ең үлкен мәртебе. Бірақ әрбір оқытушы сол мәртебеге сай болуы шарт. Әр дәрісті қызықты әрі ұтымды өткізіп отырудың жоспары болуы қажет, қазіргі технологиялық мүмкіндіктерді пайдалану өте маңызды. Университет үшін ең бірінші кезекте – шәкірттердің мүддесі маңызды, сосын ұстаз, содан кейін әкімшілік қызметкерлер. Біз білімді де білікті маман, еңселі азаматтар дайындауға қызмет етуіміз керек»,-деген ректор өз пікірін араб және ағылшын тілдерінде жеткізді. Шәкірттердің білімімен қатар тұлғалық дамуы да ұстаз назарында болуы қажеттігін баса айтты. ✅Ал сөз басын жаңа оқу жылын құттықтаумен бастаған проректор, PhD доктор Қайрат Құрманбаев @kairat_kurmanbayev университеттің еліміздегі ерекшелігіне тоқталып өтті. Сондай-ақ биыл 856 студент, магистрант, докторанттардың қабылданып, білім алушылар саны 2250-ге жеткенін хабарлады. Биыл ҚР Ғылым және жоғары білім министрлігі тарапынан бөлінеген 301 мемлекеттік білім грантының 80 пайызы Нұр-Мүбарак университетінің еншісіне бұйырған. Соған сай оқытушылардың да саны артқанына тоқталған проректор Қ.Құрманбаев, осы қыркүйек айынан бастап еңбекақының көтерілетінін айтып, ұжымды бір серпілтті. Тағы қуанышты жаңалық, өтініш білдірген студенттердің барлығы жатақханамен қамтылған. Ал оларды орналастыру онлайн платформа арқылы өтті. Осындай жетістіктерге шолу жасап өткен университет басшылығы жаңа оқу жылының жемісті де жітістікті болуына сенім білдіріп, сәттілік тіледі. #nurmubarak #NMU #НұрМүбарак #жаңаоқужылы #студент #магистрант #докторант #ұстаз #ректор #проректор #Қазақелі #білім #ғылым #ғалым #ұстпз #ЖОО #вузыказахсатан