Content Stats & Analytics for @elvirashakirova_official

Эльвира Шакирова (Галямутдинова)
@elvirashakirova_official

11,474 followers

36 ел гомеремнең 17сен журналистикага багышладым һәм Радик @radik_sabirov белән дә без шул кадәр үк таныш! Беренче көннәрдән бергә - башта коллега, аннары дус, бераздан гаилә дуслары да булдык, тора-бара братларга әверелдек. Күпне күрдек, күпне кичердек, дөресе шул. Аңа рәхмәттән кала башка сүзем юк.🙏 "Шәһри Казан"га да Радик чакырганга, аның хакына бардым. Ох, шәп эшләдек! Әле күпме эшләнмәгән идеяләр бар иде! Дөнья хәлен белеп булмый, бәлки әле эшләрбез дә без аларны! Радик белән эшләве шундый рәхәт, җайлы! Ул "Татмедиа"дагы иң яхшы редактор, чөнки коллективы белән бер дулкында👏 Шундый яшькә җиттем... Эшемне үлеп яратам дип кенә журналистикада кала алмыйм. Алга барырга, балаларның киләчәген кайгыртырга кирәк. Ә безнең эш хакы белән ерак китеп булмый. Хәтта ике-өч җирдә эшләсәң дә. «Татмедиа» журналистының күпме хезмәт алуын әйтергә хәтта тел әйләнми. Бездә күпләр зар елый, ташлап китәргә генә кыймыйлар... Әйе, авыр, читен, кыен. 17 ел аз вакыт түгел. Бу арада күпме елаганымны үзем генә беләм, тик кала да алмыйм... Радикны гына түгел, коллективымны калдырып китү авыр. Тик журналистика алай тиз генә йөрәктән чыкмас әле ул, язасым килер кебек... Әнә шул язасы килгән чакта, илһам килгәндә, сырлармын дип уйлыйм. Артистларым да борчылып язды, рәхмәт инде үзләренә. Мин беләм, араларында бары миңа гына интервью бирүчеләре дә бар... Ходай кушса, язарбыз әле😍 Әлегә шулайрак. Сагынырмын, бик сагынырмын эшемне, коллегаларымны һәм редакторымны!❤️❤️❤️ #татмедиа #шәһриказан #радиксабиров #эльвирашакирова #журналистика