Content Stats & Analytics for @drshrikantshinde

Dr. Shrikant Eknath Shinde
@drshrikantshinde

173,973 followers

स्वतंत्र भारताच्या पंचाहत्तर वर्षांच्या वाटचालीचा साक्षीदार आणि लोकशाहीचे सर्वोच्च मंदिर असलेल्या जुन्या संसद भवनातील कामकाजाचा आजचा अखेरचा दिवस. असंख्य आठवणींचा आणि उच्च संसदीय परंपरांचा इतिहास असलेल्या या सदनातूनच भारतमातेच्या उज्ज्वल भविष्याचा आराखडा विकसित होत गेला. या पंचाहत्तर वर्षांच्या वाटचालीतील नऊ वर्षांच्या वाटेवर सर्वांसोबत पाऊलखुणा उमटविण्याचे भाग्य मलाही लाभले. भारताचे पंतप्रधान माननीय नरेंद्र मोदीजी यांच्या मार्गदर्शनाखाली याच सदनात मी मतदारसंघांतील विकासाच्या योजनांचे स्वप्न रेखाटले, मतदारांच्या अनेक समस्यांना वाचा फोडली आणि न्याय मिळविण्याचाही प्रामाणिक प्रयत्न केला. याच सदनातून मी सरकारच्या घोषणा, योजना आणि कृती कार्यक्रमात सहभागही नोंदविला. या सर्वोच्च सदनाच्या ऐतिहासिक परंपरांचे पालन करून लोकशाहीची प्रतिष्ठा जपण्याचा संस्कारही याच सदनाने घडविला. नव्या संसद भवनात नव्याने प्रवेश करत असताना, जुन्या सदनातील अनेक आठवणींची शिदोरी सोबत असणार आहे. देश विकासाच्या, प्रगतीच्या दिशेने वाटचाल करत असताना बदल ही एक शाश्वत बाब असते. तरीही इतिहासाला सोबत घेऊनच भविष्यकाळाकडे पाहावे ही आपली परंपरा आहे. संसदेच्या जुन्या सदनातून मिळालेल्या संस्कारांबद्दल मी सदैव ऋणी असेन! #DrShrikantEknathShinde #shivsena